KALAM E MAJZOOB - KHAWAJA AZIZ UL HASSAN MAJZOOB RA
تو سمجھ ہر گز نہ قاتل موت کو زندگی کا جان حاصل موت کو
رکھتے ہیں محبوب عاقل موت کو یاد رکھ ہر وقت غافل موت کو
اک دن مرنا ہے آخر موت ہے
کر لے جو کرنا ہے آخر موت ہے
تو ہے اس عبرت کدہ میں بھی مگن گو ہے یہ دارالمحن بیت الحزن
عقل سے خارج ہے یہ تیرا چلن چھوڑ غفلت عاقبت اندیش بن
اک دن مرنا ہے آخر موت ہے
کر لے جو کرنا ہے آخر موت ہے
یہ تیری غفلت ہے بے عقلی بڑی مسکراتی ہے قضا سر پر کھڑی
موت کو پیش نظر رکھ ہر گھڑی پیش آنے کو ہے منزل کڑی